الفنان السوري مكسيم خليل : يجب كشف سارقي التبرعات في سوريا

رند حداد – الناس نيوز ::

منذ أن وقع الزلزال المدمر حَوَل النجم السوري مكسيم خليل حسابه على “إنستغرام” طوال الوقت لمساعدة المتضررين في سوريا وتركيا، حرصاً منه على المساهمة في نشر كل الأخبار عن المفقودين والمحتاجين للمساعدة أو التبرع.

ودعا الفنان الشاب في منشور مطول له على “إنستغرام” كل شخص يعلم بسرقة المساعدات والتبرعات التي تصل إلى سوريا، الإبلاغ عن هذه السرقات بشكل مباشر من خلال المنشور نفسه.

وانطلق هاشتاغ واسع على مواقع الإعلام الاجتماعي #الأسد لص التبرعات ، هو ومليشاته ، فعلوا ذلك في معقل حاضنتهم في مدينة اللاذقية ، قبل غيرها ، وفق الأنباء الواردة من هناك.

ووجه خليل رسالة لمتابعيه عن الموضوع، جاء فيها: “نداء لأصحاب الضمير، بتقدر تحكي شو شفت وتفضح هدول الأشخاص بالاسم تحت، بالصور المرفقة عينة من رسائل كتيرة عم توصل انه هلأ وبهذا الوقت المأساوي يلي عم يعيشوه السوريين وبعد مرور كم يوم على وحدة من أكبر الكوارث.. المصحوبة بعواصف وبرد قاسي هالوقت يلي الناس عمتستنى خبر عن أحبابها أو عن لهفة من حدا”.

وتابع منشوره بالقول: “مع الأسف في ناس تسرق و تخبي وتبيع الاعانات .. في منهم شيوخ وخوارنة ( قساوسة ) وفي منهم مخاتير وفي منهم هلال ومنظمات وفي منهم جيش وتجار.. طبعاً البعض لأنه أكيد في ناس عمتشتغل بكل اخلاص.. يلي عماحكيه موجود بكل مناطق سوريا بلا استثناء.. حلب، اللاذقية، جبلة، إدلب، جنديرس .الخ”.

واستنكر النجم السوري سرقة التبرعات، قائلاً: “مابعرف شو ممكن يقول الواحد .. لأنه أكيد يلي بيعمل هيك وبهيك وقت معدوم الضمير والإنسانية و مافي شي ممكن يخليه يفكر بأخواته السوريين المتضررين ولا حتى بالسوريين يلي في منهم قرر يشيل اللقمة من تمه ليساعد أهله بسوريا، هدول الاشخاص يلي عم يستغلوا الوجع ليحققوا ربح.. الأمل منهم مقطوع… ندائي هو للناس الحقيقية والنضيفة.. ندائي هو للمؤثرين والفنانين انهم يساهمو بضبط هدول الامور.. انتو يلي بتقدرو تفضحو هدول الناس و تحطوهن قدام الاجراءات القانونية المناسبة”.

ورفض خليل منطق تعميم السرقة على الجميع، معلقاً بالقول: “برجع بأكد الموضوع ما بشمل الجميع بس الأكيد أنه عميأثر على كل أشكال التبرعات المالية والعينية. يلي ماعنده ضمير مارح يفيق هلأ ضميره، بس الأمل بلي عنده ضمير، وأنا رأيي ممكن يكون هون مكان تحكوا شو عم يصير و شو شفتو بالاسم”.