اللي بيعرف بيعرف واللي ما بيعرف بيقول موتور أحمر

علي صقر – الناس نيوز :

كل يوم وهي ذاهبة لعملها يعاكسها موتور أحمر يركب عليه شاب في الأربعينات، كما كانت تصفه طويلاً أسمر وعيونه شهل.
وكل يوم تشتكي لصاحب العمل عما يحدث معها من مضايقات راكب الموتور، والتي تصفه بالحنطي البشرة عيونه شهل نحيل وطويل وشعر رأسه خفيف ورغم ذلك لا يسرحه.

هذا اليوم استقبلها صاحب العمل والدهشة لا تفارق عينيه

شو هالجمال والبلوزة الحمرا الملمعة والحمرا الفاقعة على شفافك والكندرة بالكعب العالي الفاقعة الإحمرار والتنورة الفوق الركبة على غير العادة؟
أي من الأول ظبطي حالك مبينه متل بنت العشرين يا بنت الخمسة والأربعين، أي هه هيك خليكي وهيك الله بيبعتلك عريس.
والله يا أستاذ اليوم شفته للشاب الأبيض صحيح قصير شوي وعليه كرش بس لا بك له
-ما تقولي عاكسك أبو الموتور الأحمر
-لا يا أستاذ المرة طلعت معه ووصلني لهون
-لهوووون وبس وشافوكي كل مين بالسوق …
-بس كنت راكبه وراه جنيبي مو خليفي
-وجنيبي كمان أي وشو لسه
-ولا شي يا أستاذ أخد رقم هاتفي ورفض يعطيني رقمه وقلي بكرا بحاكيكي وبجي أطلبك من عند أهلك
-أي وكيف شكلوا
-والله يا أستاذ طويل ابيضاني على حنطي على سمار وبيرد شعرو لورا وبيحط جيل منشان ما يطير شعرو بس يكون راكب عالموتير
-ههه ما يكون حاطط باروكة
وفي اليوم التالي لم تأت إلى العمل
اتصل بها صاحب العمل لمرات ومرات وكل مرة تفصل الخط بوجه
وبعد ساعات من اتصاله بها وفصلها لخطه
أرسلت له رسالة كتبت فيها:
والله لساتني ناطره هاتفه على أحر وأمر من موتوره
آسفه ما بقدر رد بلكي اتصل بهالوقت وكان خطي مشغول ورح يأخذ فكرة سيئة عني أنى بحكي مع شباب.
في اليوم الثالث لانتظارها لهاتفو لم يتصل.
جاءت بالسرفيس وقالت لصاحب العمل.
شافو أخي بقهوة الضيعة وقلو اعطينا مهلة شهر لنسأل عنك
_ ولك يا غبية أهلك ما بدن ياكي تتجوزي منشان تبقي شغيلة ببلاش عندهم وتخدمي أمك وبيك وتصرفي عليهم من راتبك
_ أستاذ إذا رحت معه تشريد عيب شي؟
_ طبعا مو عيب الأهم أنك تروحي معه
وقبل ما تروحي معه روحي معه
_ خلص أنت بتأمر يا أستاذ رح روح معو.
وفي اليوم السابع لانقطاع اخبارها وخطها خارج التغطية وجدوها على مفترق طرق ومنتظرا بكامل اناقتها بتنورتها الحمرا فوق الركبة والسكربينة الحمرا بالكعب العالي وبلوزتها الحمرا بينما شفتيها يعتليهما اللون الخريفي. وجدوها وهي تمتم عن عنننن عععععععن أي رح أطلع وراك طول بالك وهالمرة خليفي بس ليش للآن ما اتصلت.
وللي بيعرف بيعرف واللي ما بيعرف بيقول موتير احمر.