لبلبة تبكي خلال تكريمها بالقاهرة السينمائي

القاهرة – الناس نيوز ::

بكت الفنانة لبلبة خلال تكريمها في حفل افتتاح مهرجان القاهرة السينمائي بدورته الـ 44، حيث تم منحها جائزة الهرم الذهبي التقديرية لإنجاز العمر، تقديرًا لمسيرتها الفنية الكبيرة التي قدمتها خلال السنوات الماضية، والتي تنوعت ما بين المسرح والسينما والتليفزيون والاستعراض، واستطاعت من خلالها حجز مكانة خاصة لدى جمهورها في مصر والوطن العربي.

وقالت لبلبة لوسائل الإعلام خلال تكريمها: بشكر بلدي مصر اللي اتربيت من خيرها، ووزيرة الثقافة الدكتورة نيفين الكيلاني، وحسين فهمي رئيس مهرجان القاهرة، وجمهوري اللي شجعني وأنا طفلة ولحد اللحظة الحالية.

وأضافت: بشكر كل اللي اشتغلت معاهم الممثلين والمخرجين والعمال اللي اتربيت في وسطهم بشكرهم أوي، وبشكر كل زمايلي اللي فيه بيني وبينهم عشرة طويلة وبحبهم وعارفة أنهم بيحبوني.

وأردفت لبلبة باكية: دايمًا لما ببص في الكواليس بلاقي والدتي بتشجعني، ومفيش مرة ماكنتش واقفة في الكواليس، لما كانوا يعلنوا عن مهرجان القاهرة تقول لي إنتي هتتكرمي، وما يحصلش نصيب، والسنة اللي بعدها تقول لي هتتكرمي السنة دي أنت أكتر واحدة اشتغلتي وبرضه ما يحصلش نصيب، ودلوقتي أنا بحقق لها أمنية، ولكن هي مش موجودة وأنا بتكرم النهارده.

وروت لبلبة موقف تذكرته خلال تكريمها، قائلة: ووالدتي لما كانت حامل فيا كانت بتتفرج في السينما على فيلم وجالها وجع الولادة وبسرعة لحقوها ولو ماكنوش ودوها المستشفى كنت هتولد في السينما، مضيفة: اللي حصل حاجة غريبة لأني أتولد زي النهادره 13 نوفمبر الساعة 12.