الشاعر نزارالأشقر
حام النّحل عالزّهر تيشمّو
ويرشف رحيق الشّهد من دمّو
ودمع النّدي سقسق بلون الدّمّ
ودلدق عبير العطر من كمّو
وعصفور بعدو عالثّمر بيهمّ
ناطر حنونة تطعمو بتمّو
ريّش وطار وما بقى بيهمّ
أكلو ولا شربو بقى يهمّو
فوق الغصن أو تحت ورد الكِمّ
قادر ينقود حَبّ ويلمّو
لكن بقي مشوّق لحضن يلمّ
وجانح بعطف الوالدة يضمّو
ومتلو أنا مشوّق عبيرا شمّ
تالقلب يهدى وينفرج همّو
مش بسّ بي عيدا وبعيد الإمّ
كلّ يوم صاير متل هالعصفور
الميّت تيرجع عا حضن إمّو